Nënkryetari i Kuvendit, Enver Hoxhaj ka takuar në Londër ish-sekretarin e NATO-s, George Robertson, me të cilin kanë diskutuar për kohërat e vjetra dhe dashurinë që ndjen për Kosovën, përcjell Kosova Post.
Hoxhaj tutje theksoi se Robertson edhe pas kaq vitesh vazhdon të jetë i mishëruar me Kosovën.
Hoxhaj shprehet se mbreslënëse dhe ndjenjë e veçantë gjatë takimit, ishte piktura me lulëkuqet e Kosovës e varur në zyrën e Robertson.
“Edhe pas kaq vitesh vazhdon të jetë i mishëruar me fatin e Kosovës, Lord George Robertson, ish-sekretar i NATO-s, që bëri gjithçka për çlirimin tonë në një nga periudhat më kritike për Kosovën. Sot, ishte kënaqësi e madhe që e takova në Londër dhe biseduam për kohët e vjetra, dashurinë e tij ndaj Kosovës dhe të ardhmen e saj. Ishte ndjenjë e veçantë kur pash që në zyrën e tij është e varur një pikturë e punuar me lulëkuqet e Kosovës, e dhuruar nga nxënësit e shkollës së fshatit Poklek”, shkruan Hoxhaj në Facebook.
