Shtetet e Bashkuara kanë në plan të forcojnë mbrojtjen bërthamore dhe të rrisin numrin e armëve strategjike për vitet e ardhshme. Kështu është shprehur Ndihmësi i Lartë në Shtëpinë e Bardhëm Pranay Vadi. Synimi, sipas zyrtarit të lart amerikan është përmbajtja ndaj fuqisë bërthamore ruse dhe asaj kineze.
“Duke parë ndryshimin e madhe në arsenalet e kundërshtarëve, ne mund të arrijmë në një pikë në vitet e ardhshme ku do të mund të kërkohet një rritje e numrit aktual të armëve bërthamore të dislokuar. Ne duhet të jemi plotësisht të përgatitur për të ekzekutuar urdhrin, nëse presidenti e merr atë vendim”, tha Pranay Vadi për Organizatën e Kontrollit të Armëve.
Sipas zyrtarit amerikan, Rusia, Kina dhe Koreja e Veriut “po zgjerojnë dhe diversifikojnë arsenalet e tyre bërthamore me një ritëm marramendës, duke treguar pak ose aspak interes për kontrollin e armëve”.
Shtetet e Bashkuara aktualisht zotërojnë 1 mijë e 500 koka bërthamore strategjike të vendosura nga traktat i ri START të vitit 2010 me Rusinë edhe pse Moska “pezulloi” pjesëmarrjen e saj vitin e kaluar për shkak të mbështetjes së SHBA-së për Ukrainën, një lëvizje që Uashingtoni e quajti “ligjërisht të pavlefshme”.
Doktrina bërthamore e SHBA-së, rezervon të drejtën për të përdorur armët bërthamore në momentin që ajo sulmohet nga kundërshtarët, shkruan A2CNN.Ditët e fundit retorika e përdorimit të armëve bërthamore është rritur ndjeshëm. Presidenti rus Vladimir Putin tha para disa ditësh se ai mund të vendosë raketa konvencionale brenda distancës goditëse të SHBA-së dhe aleatëve të saj evropianë nëse ata lejojnë Ukrainën të godasë më thellë Rusinë me armë perëndimore me rreze të gjatë.
