Ish-ministrja e punëve të jashtme në Qeverinë e Kosovës, Meliza Haradinaj, kërkon vigjilencën e institucioneve të Kosovës në fazën e tranzicionit të administratës së SHBA-së, ndërsa thekson ajo se këtë ‘vakum’ mund ta shfrytëzoj Aleksandër Vuçiq për destabilizim të Kosovës, përcjell Kosova Post.
Për më tepër Haradinaj thekson s, sikurse Putin që ka intensifikuar sulmet në Ukrainë, njësoj mund të veproj edhe Vuçiq në Kosovë.
“Vuçiqi padyshim se është dëshpërimisht në kërkim të një dritareje për të ndezur shkëndija destabilizimi në veri tani para fushatës zgjedhore në Kosovë, prandaj këtë herë ne nuk do të duhej të biem në provokimet e tij”, ka shkruar Haradinaj në Facebook.
Siç shprehet ajo “Më e rëndësishmja: Qeveria duhet të koordinohet ngushtë me institucionet e sigurisë së SHBA dhe të mbajë veriun të qetë me çdo kusht sidomos deri pas zgjedhjeve të 9 shkurtit!”
Statusi i plotë i Meliza Haradinajt:
Putini po e përdor periudhën e tranzicionit paszgjedhor në SHBA për të intensifikuar sulmet e aneksojë territore të reja nga Ukraina e pavarur.
Meqë jemi të vetëdijshëm për sjelljen e Vuçiqit që ndjek me fanatizëm librin e lojërave të Putinit, Kosova duhet të mbetet vigjilente ndaj përpjekjeve të ngjashme të mundshme destabilizuese në territorin e saj verior në kufi me Serbinë – sidomos në këtë periudhë tranzitore derisa Administrata Trump të rikthehet në Shtëpi të Bardhë.
Vuçiqi padyshim se është dëshpërimisht në kërkim të një dritareje për të ndezur shkëndija destabilizimi në veri tani para fushatës zgjedhore në Kosovë, prandaj këtë herë ne nuk do të duhej të biem në provokimet e tij.
Më e rëndësishmja: Qeveria duhet të koordinohet ngushtë me institucionet e sigurisë së SHBA dhe të mbajë veriun të qetë me çdo kusht sidomos deri pas zgjedhjeve të 9 shkurtit!
