Kryetari i Partisë Demokratike të Kosovës, Memli Krasniqi uroi Shtetet e Bashkuara të Amerikës për festën e Pavarësisë 4 Korriku, duke theksuar se këtë ditë e feston gjithë bota e lirë demokratike, përcjell Kosova Post.
“Në përvjetorin e 248 të Pavarësisë së SHBA-së, u shpreh urimet e përzemërta stafit të Ambasadës Amerikane në Republikën e Kosovës, Ambasadorit Hovenier, pjesëtarëve të Ushtrisë Amerikane në Kosovë dhe të gjithë qytetarëve amerikanë, tha Krasniqi.
Ndërsa uron festën Kryetari Krasniqi thekson se nga përkushtimi dhe mbështetja e palëkundur e treguar nga SHBA-të kanë frymëzuar shtetet anembanë globit, përfshirë Kosovën, që të nisin një rrugë të re, atë të lirisë dhe të zhvillimit.
“Para se gjithash, kjo është një ditë që e feston e gjithë bota e lirë dhe demokratike, krah për krah me Shtetet e Bashkuara. Vlerat e demokracisë, të drejtave të njeriut dhe barazisë, të promovuara nga SHBA-të, shërbejnë si udhëzues frymëzimi për të gjithë ato shtete që kërkojnë të ndërtojnë një të ardhme më të ndritur. Gëzuar 4 Korrikun!”, shprehet kryetari i PDK-së Memli Krasniqi.
