Në kuadër të Dhomave të Specializuara sot është duke u zhvilluar edhe një seancë në lidhje me rastin e Salih Mustafës.
Gjykata Speciale ka urdhëruar Salih Mustafën që të paguajë 207 mijë euro si zhdëmtim për tri viktimat e tij të drejtpërdrejta dhe pesë jo të drejtpërdrejta.
Lidhur me këtë ka ardhur edhe reagimi nga ushtruesi i detyrës së Organizatës së Veteranëve të Luftës, Faton Klinaku.
“Poshtërsia tjetër në Gjykatën Speciale.Përveç që e kanë dënuar padrejtësisht e politikisht me 26 vite burg, marrin vendim kundër Calit që t’i paguaj ‘viktimat’ me 207,000 euro. Me siguri që kështu nuk ka qenë as në kohën e Jugosllavisë.Le t’i paguaj gjykata ata që i konsideron viktima, sepse para po kanë për vehten e tyre”, ka reaguar Klinaku përmes Facebook-ut.
Po ashtu, Gjykata ka marrë vendim që viktima 8 të shpërblehet me 30 mijë euro, viktima 9 me 80 mijë euro dhe viktima 10 me 60 mijë euro.
Viktimat jo të drejtpërdrejta-5,6 dhe 12 do të dëmshpërblehen me nga 10 mijë euro, kurse viktima 11 me 5 mijë euro.
Gjithashtu viktima 13 do të dëmshpërblehet me 2 mijë euro.
