Në afërsi të objektit të KEDS në kryeqytet ka ndodhur një aksident zinxhiror në të cilin janë përfshirë tre vetura dhe një kamion.
Lidhur me aksidentin për Gazetën Express kanë folur edhe nga Policia e Kosovës, përkatësisht Drejtoria Rajonale e Prishtinës, duke konfirmuar se si pasojë e aksidentit tretman mjekësor ka marrë një person.
“Sot rreth ores 09:30 në rrugën Bill Klinton Prishtinë ka ndodhur një aksident trafiku, ku janë përfshirë një kamion dhe tri veturë. Si pasojë e aksidentit tretman mjekësor ka marrë një person. Me rastin po merren njësiti i trafikut”, ka deklaruar zëdhënësja e PK, Flora Ahmeti.
Nuk dihet ende nëse ka pasur të lënduar, ndërkohë që aksidenti ka shkaktuar tollovi dhe kolona të gjata në komunikacion, përkatësisht në rrugën “Bulevardi Bill Clinton” dhe lidhjet e kësaj rruge me rrugën “Eqrem Çabej”.
