Kryetari i Aleancës për Ardhmërinë e Kosovës, Ramush Haradinaj, në 75 vjetorin e NATO-s është shprehur se synimi i vazhdueshëm i Kosovës është anëtarësimi në Aleancën më të fuqishme të sigurisë e të paqes në Glob-NATO, përcjell Kosova Post.
Ndërsa uron vendet aleate për përvjetorin e NATO-s, Haradinaj theksoi se “NATO, si garant i sigurisë e i paqes, sot shënon 75 vjetorin e saj. Në jubileun e 50-të, NATO në operacionin e saj më të madh ushtarak, ishte vënë në shërbim të mbrojtjes së popullit të Kosovës, ndërsa sot në 75 vjetorin e saj, vazhdon të jetë gardian i paqes në këtë pjesë të Ballkanit”
Postimi i plotë i Ramush Haradinaj në Facebook:
NATO, si garant i sigurisë e i paqes, sot shënon 75 vjetorin e saj. Në jubileun e 50-të, NATO në operacionin e saj më të madh ushtarak, ishte vënë në shërbim të mbrojtjes së popullit të Kosovës, ndërsa sot në 75 vjetorin e saj, vazhdon të jetë gardian i paqes në këtë pjesë të Ballkanit.
Kosova është e bekueme e populli i saj përjetë mirënjohës-NATO-s, të udhëhequr nga SHBA, për rolin jetik që pati në lirinë e Kosovës, e sot në ruajtjen e paqes, aq të brishtë, në këtë pjesë të Ballkanit.
Synimi yni i vazhdueshëm është, anëtarësimi në Aleancën më të fuqishme të sigurisë e të paqes në Glob-NATO.
Urimet më të mira për të gjithë pjesëtarët e kësaj Aleance, kudo ku janë nëpër Botë!
