Kreu i Lëvizjes Vetëvendosje, Albin Kurti, ka publikuar fotografi me prindërit e Arbnor e Astrit Dehari si dhe me babanë e Arben Xheladinit.
Lideri i Lëvizjes Vetëvendosje, Albin Kurti, së bashku me deputetin Liburn Aliu, kanë vendosur që natën e tretë të Vitit të Ri 2021, ta kalojnë pranë familjes Xheladini dhe Dehari.
Përmes një postimi në profilin e tij zyrtar në rrjetin social Facebook, Kurti ka bërë të ditur se ka takuar babanë e Arben Xheladinit, Shabanin si dhe prindërit e Arbnor e Astrit Dehari, Xhemilen dhe Avniun.
Me Liburnin, te Shaban Xheladini dhe Avni e Xhemile Dehari. Në natën e tretë të Vitit të Ri 2021 i gëzohemi fitoreve e sukseseve që i kemi përpara, por edhe i kujtojmë me mall e dashuri Arbenin e Monin, Arbnorin e Astritin.