Besart Kabashi është edhe një shqiptar tjetër i radhës që bën emër në fushën profesionale si master i drejtësisë, por edhe si një diplomat i ardhshëm me perspektivë evropiane, transmeton Kosova Post.
Entuziast për të mësuar e nxënë njohuri, Besart Kabashi, pas shkollimit të mesëm dhe universitar, ka vazhduar studimet në shkallën e tretë, ku edhe përfundoi me sukses Masterin për Drejtësi në Francë. Pas përfundimit të masteriat dhe stazhit, ai dy vite punoi në Ministrinë e Brendshme të Francës.
Përkushtimi i tij ndaj punës dhe profesionit e bëjnë që Besarti të shquhet në lëmin e tij, ndërsa Ministria e Jashtme e Francës e përzgjedh atë për të vazhduar studimet në College of Europe në Bruges.
Për më tepër, College of Europe në Bruges, aty ku edhe studioi Besarti, është vendi ku formohen elita evropiane. Prandaj Besart Kabashi, nuk e anashkaloi mundësinë e dhënë, por si gjithmonë i përkushtuar e me zell mbaroi Masterin në Marrëdhënie Ndërkombëtare dhe Diplomaci.
Sukseset e tij nuk ndalen, derisa Besarti pas përfundimit të stazhit në Kabinetin e drejtoreshës së përgjithshme të DG HOME të Komisionit Evropian, ai përzgjidhet për pjesëmarrje në programin tejet selektiv të Junior Profesional të Komisionit Evropian.
Dhe tani, themi me shumë krenari se Besarti është shqiptari i parë që pranohet në këtë program që i mundëson të punojë si Administrator në nivelin më të lartë të administratës evropiane.
Besart Kabashi, si edhe shumë shqiptar të tjerë është emër premtues si kuadër profesional që po lë gjurmë të një profesionisti të talentuar.
E gjithë ky historiki larmishëm profesional i Besartit, shpërfaqet për opinionin nga babai i tij i cili ndihet krenar për arritjet e të birit, prandaj edhe ka dashur të ndajë këtë me të gjithë përmes një postimi në Facebook.
Postimi i plotë u Sali Kabashit:
BESART KABASHI QË GËZON E BËN KRENAR babë e nanë, vëllezër e motra
Besarti, djali jonë, pas përfundimit në Francë të Masterit për Drejtësi dhe pas një stazhi në Ambasadën e Shqipërisë në Paris, ka punuar për dy vite në Ministrinë e Brendshme të Francës.
Ndërkohë nga Ministria e Punëve të Jashtme të Francës ishte përzgjedhur që t’i bashkohej College of Europe in Bruges, vend i njohur ku formohen elita evropiane. Aty Besarti mbaroi Masterin në Marrëdhëniet Ndërkombëtare e në Diplomaci.
Pas këtij suksesi ai mbaroi një stazh në kabinetin e drejtoreshës së përgjithshme të DG HOME të Komisioni Evropian. Në përfundim të kësaj përvoje u përzgjodh në mesin e shumë e shumë kandidatëve përbrenda Komisionit për pjesëmarrje në programin tejet selektiv të Junior Professional të Komisionit evropian.
Besarti është shqiptari i parë që pranohet në këtë program që i mundëson të punojë si Administrator në nivelin më të lartë të administratës evropiane.
Besarti tash në Bruksel do të ketë angazhime evropiane. Nuk do të ketë shumë kohë për babën, nuk do të mund të më shoqërojë në shtegtimet e mia të shumta. Mbeta edhe pa taksistin edhe pa fotografin personal! S’ka dert, Besart! Bëhet mirë, ti veç çoj babës pare muaj për muaj e nganjëherë edhe kah i pesëmbëdhjeti…