Prej kur edhe është shënuar rasti i parë me covid-19, gjegjësisht nga 13 marsi i vitit të kaluar numri i të infektuarve me këtë virus deri më tani në Kosovë ka shkuar në 73 mijë e 635 raste.
Si pasojë e infektimit me koronavirus kanë vdekur 1 mijë e 655 persona.
Sipas të dhënave ditore të Institutit Kombëtar të Shëndetësisë Publike të Kosovës deri më sot janë shëruar 62 mijë e 198 qytetarë.
Ndërkohë që vetëm 24 orët e fundit në vend janë raportuar 6 vdekje dhe 587 raste pozitive.
Ndërsa, tani për tani në vend janë 9 mijë e 782 raste aktive me COVID-19.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.813 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 587 raste pozitive. Brenda 24 orëve janë raportuar 6 raste të vdekjes me SARS CoV-2 pozitiv. Rastet e vdekjes janë nga komunat: Dragash 1 rast (62 vjeç), Gjilan 1 rast (56 vjeç), Prishtinë 1 rast (66 vjeç), Skenderaj 1 rast (66 vjeç), Suharekë 1 rast (70 vjeç), Viti 1 rast (65 vjeç). Numri total i rasteve pozitive është 73.635 raste nga 332.713 persona të dyshimtë në virusin SARS-CoV-2 dhe 1.655 raste të vdekjes. Gjatë 24 orëve të fundit, janë shëruar 212 pacientë derisa numri i përgjithshëm i të shëruarve deri më sot është gjithsej 62.198 raste, kurse numri i rasteve aktive është 9.782”, thuhet në raportin e IKShPK-së.
