Ish-deputetja e AAK-së, Donika Kadaj Bujupi, ndonëse nuk do të kandidojë përsëri për ulëse në Kuvend, është angazhuar që të komentojë zhvillimet e fundit politike.
Duke komentuar ndalesën që i ka bërë KQZ-ja Albin Kurtit për të kandiduar në zgjedhje, Kadaj ka thënë se veprimet për të cilat ishte akuzuar Kurti ishin sipas saj për t’i mbrojtur qytetarët nga pabarazia.
“Gazin nuk e kishim kunder institucioneve – ishte pikerisht per ta mbrojtur sovranitetin dhe integritetin e Republikes”, ka shkruar ajo.
Madje i ka thurur lavde Kurtit duke i thënë se është angazhuar me vetëmohim për mbrojtjen e Republikës.
Postimi i plotë:
Gazi lotesjelles ne Kuvend nuk ishte kunder Kosoves – ishte per ta mbrojtur ate nga Zajednica.
Gazi nuk ishte kunder njerezve – ishte per t’i mbrojtur qytetaret nga pabarazia qe krijohej me Zajednicen.
Gazin nuk e kishim kunder institucioneve – ishte pikerisht per ta mbrojtur sovranitetin dhe integritetin e Republikes.
Prandaj, edhe denimi ishte me kusht. Sepse metoda ishte jo konvencionale, por qellimi ishte politik.
Mos lejimin e kandidimit te kujtdo qe eshte angazhuar me vetemohim per mbrojtjen e Republikes, e kam te veshtire ta kuptoj si mbrojtje e integritetit te institucionit. Ne fakt eshte krejt e pakuptimte.