Ministri i Ekonomisë në Maqedoninë e Veriut, Besar Durmishi, ka thënë se në mbledhjen e përbashkët qeveritare me Kosovën është arritur marrëveshje edhe në sektorin e energjisë.
Durmishi ka thënë se Kosova ka suficit të thëngjillit, për të cilin do të ketë nevojë Maqedonia e Veriut dhe do ta blejë, që siç ka vlerësuar, kjo do të ndikonte në uljen e çmimit të energjisë elektrike.
Durmishi ka thënë se për afër 5 muaj sa janë në qeverisje, janë rritur pagat e arsimtarëve që siç bëri të ditur, shumë shpejtë do të ketë rritje të pagave edhe në sektorin e shëndetësisë.
“Për afër 5 muaj në qeverisje, kemi arritur të harmonizojmë koeficientët me sektorin e arsimit ku arsimtarët e shkollave fillore dhe të mesme do të kenë 5 për qind rritje në pagat e tyre. Shumë shpejtë do arrijmë në përfundim edhe me rregullimin e koeficientit në shëndetësi të cilët punojnë në spitalet tona, do të kenë rritje të pagesës prej 40 deri në 50 për qind”, ka thënë Durmishi në “Daily Click”
Po ashtu, Durmishi ka thënë se nga marsi i vitit të ardhshëm do të ketë edhe rritje të pagës minimale.
Durmishi ka thënë se mjete në buxhet ka, por nuk ka dhënë një përqindje se për sa do të rritet paga minimale, pra sa do të jetë vlera e saj.tg.
