Ag Apolloni, shkrimtar dhe profesor universitar, ka vendosur të tërhiqet nga konkursi për përzgjedhjen e anëtarëve të Bortit të Radio Televizionit të Kosovës (RTK), transmeton Kosova Post.
Apolloni ka sqaruar për opinionin publik se angazhimet në fushat e tjera, nuk i lënë hapësirë për zhvillimin e veprimtarive të tjera.
“Miq dhe media, për shkak të angazhimeve të shumta në letërsi (shkrime, hulumtime, botime, promovime, organizime të ndryshme dhe mësimdhënie), e kam tërhequr kandidaturën time për anëtar bordi të RTK-së.”
Më tej ka shtuar se, këtë akt e ka menduar gjatë:
“Aplikimin e kam bërë ngutshëm, por tërheqjen e kam menduar ngeshëm. Me mirënjohje të thellë për ata që ma mbushën mendjen të kandidoja dhe me respekt për të gjithë ata që e mirëkuptojnë tërheqjen time, ju uroj gjithë të mirat.”/KosovaPost/
