Zona kufitare me Shqipërinë parapëlqehet, por edhe strategjikisht duhet zgjedhur për të ngritur fabrikën e re të municionit si dhe depot e saj.
“Besoj që Kosova ka mjaftë hapësirë ku mund të vendoset. Këto zakonisht bëhen në zona pak më të thella, qaty në kufi me Shqipërinë diku”, shprehet Bekë Berisha, deputet i AAK-së.
I të njëjtit mendim janë edhe ish-luftëtarët e Betejës së Pashtrikut, Vesel Aruqi dhe Mehmet Fazilu.
Pasi të bëhet fabrika dhe ajo të prodhojë, duhet trajtuar me kujdes edhe ku është mirë të ndërtohen depot e municionit. Ato duhet të jenë të sigurta dhe nuk guxojnë të paraqesin rrezik për qytetarët.
Këshillat që jepen për këtë pjesë konsistojnë në atë se duhet marrë mësim nga rasti i Gërdecit në Shqipëri, kur marsin e 2008-ës shpërtheu depo e municionit, me ç’rast patën vdekur 26 veta e mbi 250 u plagosën.
