Këtë vit në qendër të takimit të Forumit Botëror Ekonomik në Davos kanë qenë diskutimet për pasojat ekonomike të luftës në Ukrainë, krizën energjetike dhe një recesion të mundshëm ekonomik në botë.
Në këtë organizim po marrin pjesë edhe vendet e rajonit, duke përfshirë edhe Kosovën e cila përfaqësohet nga kryeministri Albin Kurti.
E sot është ndarë një foto nga diskutimet e pjesëmarrësve në Forumin Ekonomik Botëror në Davos.
Ajo që bie në sy është fakti se të gjithë përfaqësuesit janë të ulur përballë njëri-tjetrit dhe aty një vend nga qendra e zë kryeministri Albin Kurti.
Por ajo që vërehet është anashkalimi nga të pranishmit i presidentit të Serbisë, Aleksandar Vuçiq.
Presidenti serb shihet krejt anash dhe i ulur prapa duke qëndruar i vetëm.
Kujtojmë se Serbia nuk ka vënë sanksione ndaj Rusinë, për çka është kritikuar nga BE-ja dhe Perëndimi.
Madje dje për këtë shkak dje Parlamenti Evropian ka miratuar rezolutën për harmonizimin e politikës së politikës së jashtme dhe sigurisë së Bashkimit Evropian dhe një pjesë e këtij dokumenti i referohet Serbisë, duke iu drejtuar me qëndrimin se Beogradi duhet të përputhë politikën e jashtme me atë të BE-së.
Në raport, PE për herën e dytë i bën kërkesë zyrtare BE-së të ndalë negociatat me Serbinë deri të mbushë disa kërkesa thelbësore, dhe më e rëndësishmja është konsideruar harmonizimi i plotë i politikës së jashtme të Serbisë me të Bashkimit Evropian.
Nga 632 deputetë, 357 votuan për rezolutën, 180 ishin kundër e 95 abstenuan.
Parlamenti Evropian ka theksuar rëndësinë e harmonizimit të plotë me politikën sanksionuese kundër vendeve të treta. Aty Serbia kritikohet për nivelin e ulët të harmonizimit me politikën e jashtme të BE-së, sidomos me reagimin ndaj pushtimit rus të Ukrainës.
Parlamenti Evropian ka thënë se kapitujt e tjerë të negocimit duhet të hapen vetëm kur Serbia t’u përmbahet zotimeve për reformë në demokraci, sundim të ligjit dhe të harmonizojë plotësisht politikën e jashtme me të BE-së.
Europarlamentarët në rezolutë kanë kujtuar se Serbia “si shtet që përpiqet të integrohet, duhet t’u përmbahet vlerave të përbashkëta”.
Po ashtu, në Rezolutë kritikohet Serbia për kërcënimet e saj ndaj Kosovës dhe për përpjekjet destabilizuese përmes aktorëve dytësor në Kosovë. Theksohet pakthyeshmëria e pavarësisë së Kosovës dhe u bëhet thirrje pesë anëtarëve të BE-së që nuk e kanë njohur Republikën e Kosovës ta njohin atë sa më parë.