Pas adresimit për media që pati UD. e detyrës së Presidentit, Vjosa Osmani, ka ardhur reagimi i bashkëpartiakes dhe kandidates për deputete nga “Iniciativa” e saj, Donika Gërvalla Schawarz.
Gervalla e ka përgëzuar Osmanin për mesazhin e saj dhe ka theksuar se askush nuk mund ta dëmtojë procesin zgjedhor pavarsisht përpjekjeve.
Ajo tutje ka thënë se me 14 shkurt vendosin qytetarët se kush do të jetë President i vendit dhe kush President, dhe jo Valdete Daka dhe Isa Mustafa.
“Dikujt po i dridhet toka nën këmbë nga uragani i fuqishëm i vullnetit qytetar që po vjen më 14 shkurt.Me shumë qetësi dhe optimizëm mezi po e presim atë datë.Të gjithë bashkë guxojmë krejt dhe drejt” shkruan Gërvalla në Facebook.
Postimi i plotë:
Përgëzoj znj. Osmani për mesazhin e fuqishëm dhe të urtë drejtuar qytetarëve të Republikës së Kosovës. Askush mos të mendojë që do të mund ta rrezikojë procesin zgjedhor edhe pse përpjekjet për ta arritur këtë janë të shumta dhe të tejdukshme.
Qytetari vendos më 14 shkurt se kush do ta qeverisë këtë vend dhe kush do të jetë President I këtij vendi pas zgjedhjeve. Askush tjetër. As Valdete Daka me sjelljet e saj skandaloze dhe tërësisht të politizuara, as
Isa Mustafa me deklaratat e tij, të cilat përveç përfaqësuesve të disa mediave nuk i dëgjon bash askush, as PDK-ja me pseudospecialistët e saj që irritojnë publikun me pseudoekspertizat e tyre të gabuara.
Dikujt po i dridhet toka nën këmbë nga uragani i fuqishëm i vullnetit qytetar që po vjen më 14 shkurt. Me shumë qetësi dhe optimizëm mezi po e presim atë datë.
Të gjithë bashkë guxojmë krejt dhe drejt.
