“Ne jemi të vetëdijshëm se duke pranuar Ballkanin Perëndimor, Bashkimi Evropian do të rrumbullakoste kufijtë e tij dhe do të zvogëlonte ndikimin e Rusisë dhe Kinës, por duhet të ketë kapacitet për t’i bërë ballë atij presioni”, tha për NIN kreu i Delegacionit të BE-së në Serbi, Emanuele Giaufret, transmeton Kosova Post.
Giaufret theksoi se Bashkimi Evropian po shkon qartë drejt zgjerimit dhe dëshiron Serbinë në familjen e saj, por është një proces që ka rregullat e veta dhe ato rregulla duhet të respektohen.
“Serbia ka bërë përparim të konsiderueshëm në procesin e reformave, por ka gjëra, njëra prej të cilave është kyç, normalizimi i marrëdhënieve me Prishtinën, të cilat ende duhet të bëhen para pranimit në familjen e BE-së”, tha EmanuelE Giaufret.
Giofre rithekson se pavarësia e Kosovës nuk është parakusht për anëtarësimin e Serbisë në BE, por si synim është vendosur normalizimi i plotë i marrëdhënieve ndërmjet Beogradit dhe Prishtinës përmes një marrëveshjeje gjithëpërfshirëse dhe ligjërisht obligative.nova,rs./Kosova Post/
