Kryetari i Aleancës për Ardhmërinë e Kosovës, Ramush Haradinaj, në 25 vjetorin e rënies kujton heroin e kombit, Sadri Zenelin, ndërsa theksoi se ai ishte mësues e komandant lufte, përcjell Kosova Post.
Ndërsa kujton trimërinë e tij, Haradinaj tha se ai prietar në luftë e aksione.
Haradinaj tha gjithashtu se “Në këtë përvjetor të dhembjes dhe krenarisë, përkujtojmë dhe nderojmë gjithashtu sakrificën e bashkëluftëtarëve, Ali Rama, Ramë Mehmeti, Islam Ademaj, Lan Rexhaj, Bajrush Mehmeti, Arben Mehmeti dhe Fitim Rexha”.
Tutje theksoi Haradinaj se sakrifica e tyre, obligon përkushtimin tonë për një Kosovë më të sigurt dhe të zhvilluar, përkrah Amerikës dhe botës demokratike.
Postimi i plotë i Haradinajt në Facebook:
Mësues, prijës popullor, komandant lufte, i pari në rezistencë e aksione. Ky ishte bashkëluftëtari im Sadri Zeneli, që sot po e përkujtojmë në 25-vjetorin e përjetësisë.
Luftëtarët dhe udhëheqësit e luftës nga Jabllanica e Gjakovës, me trimërinë e guximin e tyre, i dhanë kahje fatit të shumë betejave kundër armikut, duke e ruajtur kështu traditën shekullore të rezistencës dhe përpjekjeve për liri.
Në këtë përvjetor të dhembjes dhe krenarisë, përkujtojmë dhe nderojmë gjithashtu sakrificën e bashkëluftëtarëve, Ali Rama, Ramë Mehmeti, Islam Ademaj, Lan Rexhaj, Bajrush Mehmeti, Arben Mehmeti dhe Fitim Rexha.
Sakrifica e tyre, obligon përkushtimin tonë për një Kosovë më të sigurtë dhe të zhvilluar, përkrah Amerikës dhe botës demokratike.
Ju faleminderit për shërbimin!
