Kandidati për kryeministër nga radhët e AAK-së, Ramush Haradinaj, ka zhvilluar një bashkëbisedim me studentët e Universitetit Amerikan në Kosovë (A.U.K).
Tutje Haradinaj, vuri në theks se gjatë këtij bashkëbisedimi, ka ndarë vizionin e AAK-së për transformimin e arsimit të lartë në Kosovë, dhe ka premtuar rritje pagash prej prej 50% në sektorin e arsimit dhe digjitalizim të plotë të procesit mësimor, transmeton Klankosova.tv.
“Pata kënaqësinë të bashkëbisedoj me studentët e RIT (A.U.K); një gjeneratë e jashtëzakonshme e të rinjve tanë që po përgatiten për të ardhmen. Ndava me ta vizionin tonë për transformimin e arsimit të lartë në Kosovë. Nuk ka më kohë për premtime – duhet veprim i menjëhershëm dhe reforma rrënjësore”, shkruan Haradinaj në Facebook.
