Njësia patrulluese e Policisë Kufitare së bashku me KFOR-in, gjatë patrullimit kanë vërejtur një veturë duke hyrë nga Serbia në Kosovë, jashtë pikës së kalimit kufitar.
Bëhet e ditur se vetura është ndaluar nga policia e cila drejtohej nga i dyshuari serb dhe tjetri pasagjeri, mashkull serb.
Për rastin është njoftuar prokurori kujdestar i cili ka sugjeruar që të vazhdohet në procedurë të rregullt.
“Fsh. Izvor, Zubin Potok 05.04.2024 – 16:20. Njësia patrulluese e Policisë Kufitare së bashku me KROR-in, gjatë patrullimit kanë vërejtur një veturë duke hyrë nga Serbia në territorin e Republikës së Kosovës jashtë Pikës së Kalimit Kufitar. Vetura është ndaluar, e njëjta drejtohej nga i dyshuari mashkull serb dhe në të ishte edhe një pasagjer mashkull serb. Për rastin është njoftuar prokurori kujdestar dhe i njëjti ka sugjeruar qe rasti të iniciohet në procedurë të rregullt”,thuhet në raportin 24 orësh të Policisë së Kosovës.
