“Gjithmonë ka promovuar prejardhjen indiane. Nuk e dija se ishte me ngjyrë derisa pak vitë më parë na doli që ishte me ngjyrë dhe tani kërkon të njihet si e tillë. Pra nuk e di, a është indiane apo me ngjyrë?”, u shpreh Trump.
Skena politike amerikane është ndezur nga kjo deklaratë e Donald Trump, kandidat republikan për zgjedhjet presidenciale, që vuri në pikëpyetje identitetin racor të rivales demokrate, Kamala Harris. Nënpresidentja aktuale iu përgjigj kështu: “Sot Donald Trump foli në takimin vjetor me Shoqatën e Gazetarëve me Ngjyrë dhe ishte një shfaqje e vjetër e përçarjes dhe e mungesës së respektit. Më lejoni që tu them se amerikanët meritojnë më mirë. Ju meritoni një lider që ju thotë të vërtetën, dikë që nuk përgjigjet me zemërim dhe ofendime kur ballafaqohet me fakte. Ne meritojmë një lider që kupton se dallimet tona nuk na përçajnë, por janë një burim thelbësor i fuqisë sonë”.
Kandidati republikan paralajmëron emigrantët: Bëni gati valixhet
Si një person me ngjyrë, ajo që ka thënë ai është e neveritshme, është fyese dhe, e dini, askush nuk ka të drejtë t’i tregojë dikujt se kush janë, se si ata identifikohen, kjo nuk është e drejtë e dikujt. Kjo është fyese për këdo, nuk ka rëndësi nëse është një ish-lider, një ish-president, është fyese dhe pikë”, deklaroi Karine Jean-Pierre, zëdhënëse e Shtëpisë së Bardhë.
Zjarrin e polemikave e vazhdoi vetë Trump duke shtuar dozën e sulmeve me pretendimin se Harris deri para tërheqjes së Joe Biden ishte nënpresidentja më e keqe në histori.
“Tani na është bërë Margaret Thatcher e re”, u shpreh republikani gjatë një tubimi elektoral në Pensilvani.
Në mbështetje i doli dhe bashkëgaruesi në zgjedhjet presidenciale, J.D Vance.
“Kamala Harris është një mashtruese”, tha kandidati për nënpresident në një event elektoral në Arizona duke shtuar se ajo ndryshon theksin në bazë të shteteve që viziton.
Vance pati dhe një thirrje për emigrantët e paligjshëm që janë në Shtetet e Bashkuara duke u kërkuar të bëjnë gati valixhet pasi do të dëbohen me fitoren e republikanëve, shkruan A2CNN.Megjithatë një sondazh i fundit i kryer nga Reuters, tregon që Harris kryeson me 43% të preferencave kundrejt 42% që zotëron Trump.
