Politikani serb, Nikola Sanduloviq ka reaguar ndaj deklaratave kërcënuese të presidentit serb, Aleksandar Vuçiq, ndërsa është shprehur se kishte paralajmëruar më parë BE-në dhe SHBA-në se kjo do të ndodhte, përcjell Kosova Post.
Tutje thekson Sanduloviq se ndërkombëtarët besuan në premtimet e rreme të Vuçiqit për paqe në Ballkan.
“Ata nuk më dëgjuan dhe besuan premtimet e tij të rreme për paqen në Kosovë dhe në Ballkan. Ata heshtën për vite të tëra për kriminalitetin e tij të dukshëm, vjedhjen e zgjedhjeve, marrëdhëniet me Putinin, Dodikun, Orbanin dhe diktaturën që po zbaton në Serbi. Tani ata morën rezultatin e naivitetit dhe mungesës së interesit për atë që unë ofroja dhe prezantoja”, thekson Sanduloviq.
Kujtojmë se Presidenti serb, Aleksandar Vuçiq së fundmi ka bërë disa deklarata kërcënuese ku ka theksuar se Perëndimi duhet të zgjedh mes Kosovës dhe Serbisë.
