Kryetari i Kuvendit të Kosovës, Glauk Konjufca, ka uruar 4 korrikun ditën e pavarësis së Shteteve të Bashkuara të Amerikës, duke thënë e ata janë pishtar i demokracisë dhe i të drejtave të njeriut dhe shtylla kryesore për paqen dhe stabilitetin në mbarë botën, shkruan Kosova Post.
Konjufca, ka shkruar se SHBA-ja jo vetëm se është pishtarë e demokracisë, por ishte edhe fanar i lirisë së Kosovës.
“Ishte edhe fanari i lirisë për Kosovën dhe mbetet aleati më i madh i popullit tonë. Miqësia e ngushtë midis Shteteve të Bashkuara të Amerikës dhe Kosovës është e ndërtuar mbi besimin e ndërsjellë i cili ka udhëhequr lidhjet tona të forta tash e sa vite, në mbrojtje, siguri, përparim ekonomik dhe marrëdhënie tjera strategjike dhe ndërnjerëzore”, ka shkruar Konjufca në Facebook.
Për më tepër, Konjufca ka shkruar se partneriteti me SHBA , po rritet e forcohet çdo ditë dhe se populli i Kosovës mbetet i përkushtuar gjithmonë krah saj.
Postimi i plotë i kryekuvendrit Konjufca në Facebook:
ShBA është pishtari i demokracisë dhe i të drejtave të njeriut dhe shtylla kryesore për paqen dhe stabilitetin në mbarë botën.
Ishte edhe fanari i lirisë për Kosovën dhe mbetet aleati më i madh i popullit tonë. Miqësia e ngushtë midis Shteteve të Bashkuara të Amerikës dhe Kosovës është e ndërtuar mbi besimin e ndërsjellë i cili ka udhëhequr lidhjet tona të forta tash e sa vite, në mbrojtje, siguri, përparim ekonomik dhe marrëdhënie tjera strategjike dhe ndërnjerëzore.
Ky bashkëpunim dhe partneritet çdo ditë po rritet dhe po forcohet edhe më shumë.
Populli i Kosovës qëndron i përkushtuar, siç ka qëndruar gjithmonë, krah Shteteve të Bashkuara. Do të punojmë së bashku për të adresuar sfidat e ndryshme si në rajon ashtu edhe në rrafshin global.
Edhe pse gjeografikisht të largët, ne ndajmë një botëkuptim dhe interesa të përbashkëta për të avancuar idealet e paqes dhe prosperitetit.
Pavarësia është një vlerë për të cilën populli shqiptar ka luftuar shumë dhe kjo është arsyeja pse ne e dimë se sa e çmuar është ajo.
Shpreh urimet më të ngrohta dhe më të sinqerta për popullin amerikan në 246 vjetorin e pavarësisë së Shteteve të Bashkuara të Amerikës!
