Presidentja e Kosovës, Vjosa Osmani ka reaguar pas pranimit të Kosovës si anëtare e asociuar në Asamblenë Parlamentare të NATO-s, ndërsa është shprehur se NATO është fati i Kosovës, përcjell Kosova Post.
Presidentja Osmani për suksesin e Kosovës, nuk harroi të falëndroj të gjithë ata që votuan për avancimin e statusit të Kosovës.
“Mirënjohës për të gjithë anëtarët që votuan në favor të ngritjes së statusit të Kosovës në atë të një anëtari të asociuar. NATO është fati i Kosovës dhe kjo lëvizje do të sigurojë që zëri i njerëzve më pro NATO-s në Tokë të dëgjohet”, tha presidentja Osmani në platformën ‘X”.
Ndërsa ndihet e lumtur për vendin, presidentja Osmani tha se Kosova do të vazhdojë përpjekjet së bashku me aleatët e saj për të çuar përpara edhe rrugën tonë drejt NATO-s.
Grateful to all @natopapress members who voted in favor of upgrading Kosovo’s status to that of an associate member.
NATO is Kosovo’s destiny, and this move will ensure that the voice of the most pro-NATO people on Earth is heard.
We will continue our efforts together with our… pic.twitter.com/BRuzcttqde
— Vjosa Osmani (@VjosaOsmaniPRKS) May 27, 2024
