Ministrja e Punëve të Jashtme, Donika Gërvalla kanë mbajtur konferencë për media me homologun e saj turk, Mevlut Cavusoglu pas takimit që e patën në MPJD.
Ministrja Gërvalla njoftoi se u nënshkrua një marrëveshje mes Kosovës dhe Turqisë.
“Është për t’u përshëndetur marrëveshja që u nënshkrua sot nga dy ministrat lidhur me rritjen e frekuencës së fluturimeve ndërmjet Republikës së Kosovës dhe Republikës së Turqisë”, tha Gërvalla.
Po ashtu Gërvalla, foli për rolin e Turqisë pas agresionit të Rusisë në Ukrainë dhe në Ballkan.
“Turqia ka ofruar ndihmën e saj si ndërmjetësuese dhe është gjithashtu aktive në Ballkan si ndërmjetësuese neutrale. Diskutuan për bashkëpunimin në arsim, trajtimin e pacientëve nga Kosova në Turqi si dhe trajnimin e stafit shëndetësor atje”, tha Gervalla.