Department amerikan i Shtetit tha në një deklaratë të tij për radion Evropa e lirë se është në dijeni për arrestimin e shtetasit të Kosovës, Tefik Mustafa, ditë më parë.
Por DASH i kërkoi Serbisë që të zhvillojë procese transoarente në rastet e arrestimeve. Tefik Mustafa u arrestua nga autoritetet serbe në vendkalimin kufitare Merdare në kufirin me Serbinë, me dyshimet për krime lufte.
“Ne u bëjmë thirrje institucioneve serbe që të garantojnë një proces ligjor të drejtë dhe transparent për këtë rast, ashtu sikurse me çdo arrestim tjetër, në përputhje me sundim të ligjit”, thuhet në reagimin e DASH.
Një gjykatë në Beograd ndërkohë, vendosi masën e paraburgimit prej prej 30 ditësh për Mustafën. Zëvendëskryeministri i Serbisë, Ivica Daçiq në një deklaratë të tij tha se Tefik Kustafa dyshohet se në cilësinë e pjesëtarit të UÇK-së, është përmendur nëpër deklarata të dëshmitarëve si pjesëmarrës në kidnapimin e tre zyrtarëve policorë. Ndërkohë, arrestimin e Mustafës, Ministria e Punëve të Jashtme e Kosovës e dënoi dhe kërkoi lirimin e menjhërshëm.
“Ministria e Punëve të Jashtme dhe Diasporës dënon ashpër ndalimin, arrestimin dhe keqtrajtimin e qytetarëve të Republikës së Kosovës dhe njëkohësisht i bën thirrje Bashkësisë Ndërkombëtare që të ndërmarrë hapa konkret për lirimin e menjëhershëm të qytetarit z. Tefik Mustafa dhe njëkohësisht të kërkojë përgjegjësi nga shteti serb për këto veprime arbitrare dhe destruktive dhe që bien ndesh me konventat ndërkombëtare për të drejtat e njeriut.”, thuhet në reagimin e Ministirisë sè Punëve të Jashtme
Organizatat e dala nga lufta në Kosovë mohuan se Tefik Mustafa ishte pjesë e UÇK-së. Kryetari i OVL-UÇK-së, Faton Klinaku e konfirmoi se emri i Tefik Mustafës nuk figuron në listat e luftëtarëve të UÇK-së. Por ish-avokati i popullit Hilmi Jashari tha se Kosova duhet të shfrytëzojë të drejtën për ankesë në Gjykatën e Strasburgut.
“Nëse ka fakte dhe qëndrojnë se të arrestuarit nuk ishin pjesë e UÇK-së, Kosova dhe institucionet duhet ta shfrytëzojnë të drejtën e ankesës në Gjykatën e Strasburgut në bazë të konventës që kanë nën shkruar me shtetin e Serbisë pasi që ky është një ndalim arbitrar i qytetarëve të Kosovës”, tha Jashari per RTV21.
Më 17 prill autroritetet serbe arrestuan një tjetër koaovar, Sadik Durakun, nën dyshime të njëjta sikur edhe të Tefik Mustafës. Familjarët e tij mohuan se ai kishte kryer ndonjë krim të supozuar pasi i njëjti kishte jetuar në Angli para se të fillonte lufta në Kosovë. Drejtori i Këshillit për Mbrojtjen e Lirive dhe të Drejtave të Njeriut, Behxhet Shala thotë se është shumë e rëndësishme që shteti të ju qëndroj në krah të arrestuarve.
“Është shumë e rëndësishme që institucionet të ju sigurojnë mbrojtje ligjore të arrestuarve, të ju sigurojnë kontakte me familjen dhe të dihet se a po marrin trajtim të duhur a po keqtrajtohen a po jo, unë e shof që ka pak interesim në këtë drejtim dhe më shumë kemi deklarime sa për të bërë deklarime”, tha Behxhet Shala, KMDLNJ.
Katër shqiptarë të Kosovës aktualisht gjenden në paraburgim në Serbi nën akuzat se kanë kryer krime lufte. Përveç Mustafës dhe Durakut, të arrestuar së fundmi janë edhe Hasan Dakaj më 6 janar, ish-pjesëtar I UÇK-së dhe Nezir Mehmetaj, i cili u arrestua më katër janar të vitit 2020 dhe që nga ajo kohë mbahet në paraburgim.G,.E.
