Ka përfunduar manifestimi i parakalimit të ushtarëve të FSK-së dhe Policisë së Kosovës, në nder të 14 vjetorit të pavarësisë, manifest ky i cili u hap me fjalimin e presidentes Osmani, ku pas saj fjalën morri Kryeministri Albin Kurti, shkruan KosovaPost.
Kryeminstri Kurti përgjatë fjalimit të tij ka thënë sot se Kosova është vend i të gjithë qytetarëve ku u garantohen të drejtat dhe liritë.
Tutje, Kurti tha se kjo është një ditë e rëndësishme për të gjithë qytetarët.
Ndër të tjerash, Kurti tha e Evropa është horizoni ynë i përkatësisë, ndërsa për NATO-n tha se është kusht i paqes për të gjithë qytetarët e Republikës së Kosovës
“Republika e Kosovës është e përcaktuar për anëtarësimin në institucionet euroatlantike në NATO dhe në BE dhe çdo ditë punojmë për të dëshmuar përkushtimin tonë në këtë drejtim dhe për të ecur në këtë rrugë të drejtë. Evropa është horizonti ynë i përkatësisë së të jetuarit, ndërsa NATO-ja është kushti i paqes për të gjithë neve”, u shpreh ai
Kurti kujtoi edhe heronjtë dhe të gjithë ata që dhanë jetën për lirinë e Kosovës, ku përmendi se ata dhanë më të shtrenjtën e të çmuarën, jetën e tyre.
“Rrugëtimi i popullit tonë deri në këtë ditë ishte i gjatë dhe i mundimshëm por edhe përplotë më krenari dhe me nder. Sot i kujtojmë heronjtë tanë që dhanë më të shtrenjtën dhe të çmuarën jetën e tyre, për atë që është më e shtrenjta dhe e më e çmuara për popullin tonë, lirinë e tij. Sot kujtojmë vuajtjen, flijimin e heronjve tanë. Atyre që na kujtojnë se sa e shenjtë është liria dhe sa e bukur është të jesh i lirë”, ka thënë ai.
Ndërsa, vlen të përmendet se ka përfunduar manifestimi i parakalimit të ushtarëve së FSK-së dhe Policisë së Kosovës
