Kryeministri i Kosovës, Albin Kurti, u shprehu ngushëllime familjarëve për vdekjen e meteorologut Sylë Tahirsylaj, ndërsa kujton takimin me të në Isniq.
Kurti, ndërsa kujton takimin në kullë, tha se biseda me bacën Sylë ishte mbresëlënëse.
Ndërsa përshkruan takimin e dy viteve më parë, kryeministri Kurti tha se kontributi i Tahirsylajt si meteorolog dhe profesor do të mbetet i paharrueshëm.
“Kontributi i tij në fushën e metereologjisë në Kosovë dhe për Universitetin e Prishtinës si akademik, do të mbetet i paharrueshëm. Baca Sylë, ishte një shpirt luftarak, që i rezistoi kohës dhe na mbushte plot energji e pozitivitet. Lajmi për ndarjen e tij nga jeta na pikëlloi thellë. Do ta kujtojmë përherë përkushtimin për punën dhe dashamirësinë e tij. Ngushëllimet më të sinqerta për familjen Tahirsylaj, për më të dashurin tuaj. Bacën Sylë do ta kujtojmë për jetë e mot!”, është shprehur kryeministri Kurti.
