Kryeministri i Republikës së Kosovës, Albin Kurti, tha se mbështetje e parqeve industriale është një masat e politikat e qeverisë që kanë objektiv zhvillimin industrial dhe gjenerim të punësimit.
“Qeveria e Kosovës do të mbështes bizneset me orientim në prodhim e inovacion dhe krijimin e mundësive të reja për punësimin e të rinjve tanë. Parku Industrial i Përgjithshëm “Drenas 2”, do të jetë në shërbim të bizneseve tona”, tha Kurti sot gjatë ceremonisë së fillimit të punimeve ndërtimore në Parkun Industrial të Përgjithshëm “Drenas 2”.
Ai tha se ky park do të kontribuojë në investime të qëndrueshme. Kurti ka përmendur edhe rritjen e investimeve të huaja në Kosovë.
