Kryeministri Edi Rama iu përgjigj sot komenteve në rubrikën “Sy m’sy’” edhe sa i takon marrëdhënieve me Shtetet e Bashkuara të Amerikës.
“Do ta shihni dhe Amerikën edhe marrëdhënien me Amerikën edhe mbështetjen e Amerikës, të gjitha do t’i shikoni siç i keni parë. Problemi është se e keni kujtesën e dobët dhe ju mban këneta peng. Ju kujtohet kur fitoi Donald Trump herën e parë që m’u çuan mua në parlament dhe më thanë ik vetë tani se do vijë Trump këtu dhe do të marrë zvarrë, se si vazhdoi pastaj puna apo kismet”, u shpreh Rama.
“Ata që dalin këtu dhe flasin në emër të kënetës janë shqiptarë si gjithë të tjerët dhe i respektoj si shqiptarë dhe përpiqem t’i ndihmoj si shqiptarë për t’i nxjerrë nga këneta, t’i ndihmoj me faktet duke iu treguar se mbi mua dhe ata, mbi ne të gjithë, është Shqipëria dhe interesi i Shqipërisë sot është të kthehet në kënetë?”, tha Rama.
“Vetëm një sekondë përfytyroni Shqipërinë të përfaqësuar nga bufi i kënetës kështu që në këtë sens nuk ka rëndësi iu pëlqen apo jo PS apo iu pëlqej unë apo jo. PS është partia më e madhe e shqiptarëve është partia që ka fituar 9 herë radhazi dhe është partia që do të fitojë herën e 10 dhe do të fitojë më thellë se herët e tjera dhe do të marrë notën 10 në këto zgjedhje edhe falë emigrantëve dhe të shohim çfarë do të thonë”, tha Rama.
“Këneta përfaqëson pafytyrësinë dhe mbi të gjitha Shqipëria është përtej të majtës dhe të djathtës”, tha Rama. atsh.
