Kryeministri i Kosovës Albin Kurti, e ka pritur sot në takim ish-kryeministrin e Britanisë së Madhe, Tony Blairin.
I pari i ekzekutivit të vendit, falënderon për vizitën, ndërsa thekson se ndihet i nderuar me prezencën e Blairit në Kosovë.
“Faleminderit kryeministër Blair. Është nder i madh që të kemi në mesin tonë. Faleminderit për fjalimin e mrekullueshëm në parlament. Për ato minuta sa ju folët, nuk kishte pozitë dhe opozitë”, tha Kurti gjatë takimit me ish-kryeministrin britanik.
Për më tepër kryeministri Kurti, shprehu konsideratë të për ish shefin e qeverisë britanike, duke e quajtuar mik të vërtetë.
“Një mik në ditë të vështira është një mik i vërtetë. I tillë është kryeministri Blair”, tha Kurti.
