Masakra e krime të kryera nga regjimi i Milosheviqit nuk e kanë ndalur as pushtetin e tanishëm në Serbi në përpjekjet e saj për të destabilizuar Kosovën. Së fundmi ata vendosën sërish barrikada në veri vendit të cilat më pas i larguan.
Por përtej barrikadave u hapën edhe kanale e u ndërtuan mure mbrojtëse me thasë, gjë që tregon se struktura të caktuara ishin të gatshme për rezistencë ndaj shtetit të Kosovës.
Por kamionët nuk ishin e gjitha çfarë kishin menduar Mësohet se kanali është hapur nga strukturat në veri gjatë kohës kur në pjesën veriore të vendit po vendoseshin disa barrikada. Kanali është bërë në shenjë rezistence.
Kanali që duket se ka kohë që është hapur, është në afërsi të rrugës kryesore, nga e cila pikë vërehet çdo lëvizje.
Thasët që ishin vendosur përpara kanalit, ishin të mbuluar me drunj e gjemba, në mënyrë që mos të vërehen nga askush.
Pas kamionëve që qëndruan me javë të tëra përgjatë kësaj rruge, serbët kishin bërë përgatitje të tjera për t’u ballafaquar me situatën.
Pos kanalit, thasë që formonin mur mbrojtës vazhdojnë të jenë të vendosur edhe pak metra më larg. Për dallim nga kanali, thasët vërehen qartë nga rruga dhe janë të vendosur përpara një shtëpie banimi.
Ndërkohë, kryeministri Albin Kurti ditë më parë ka thënë për gazetën austriake Di Presse, se ekzistojnë prova të cilat dëshmojnë prezencën e grupit mercenar rus Wagner dhe bandës nacionaliste ruse të motoçiklistëve Ujqërit e Natës në veri të vendit dhe afër kufirit.
RTK mëson se struktura serbe në veri javë më parë hapën edhe llogore vrojtuese ku kontrollonin.
