Pensionistët, veteranët dhe përfituesit e tjerë të skemave të kategorive të dala nga lufta bazuar në situatën e krijuar nga pandemia COVID-19, dhe me qëllim të ruajtjes së shëndetit është shtyrë afati i lajmërimit në zyrat e administratës së pensioneve deri më 31 mars 2021.
Ministri në detyrë i Punës dhe Mirëqenies Sociale, Skënder Reçica, ka thënë se deri në fund të marsit askujt s’do t’i ndërpritet pensioni
Njoftimi i plotë:
Të dashur pensionistë, veteranë dhe përfitues të tjerë të skemave të kategorive të dala nga lufta, bazuar në situatën me Covid 19 me qëllim të ruajtjes së shëndetit tuaj, ju njoftoj se kemi shtyrë afatin e lajmërimit në zyrat e administratës së pensioneve deri më 31 mars 2021.
Andaj, ju lutem që deri më datë 31.03.2021 mos të paraqiteni në zyrat e pensioneve, ngaqë askujt nuk do t’i ndërpritet pensioni deri me këtë datë.
Angazhimi ynë është dhe do të jetë në ruajtjen e shëndetit dhe lehtësimin e jetës së të gjithë qytetarëve e posaçërisht pensionistëve dhe kategorive të respektuara të dalura nga lufta.
