Ministrja gjermane e Shtetit, Anna Luhrmann, erdhi dje në Prishtinë.
Ajo u prit nga presidentja e vendit, Vjosa Osmani me të cilën zhvilloi edhe një takim. Pas takimit me Osmanin, Luhrmann u prit edhe nga kryeministri Albin Kurti, veçse jo në zyrë.
Ajo bashkë me shefin e qeverisë, Ministrin e Infrastrukturës, Liburn Aliun dhe ministren e Ekonomisë, Artane Rizvanollin, shkuan te Pallati i Rinisë për hapjen e Javës së Zhvillimit të Qëndrueshëm.
Në një postim në “X” ku ministrja gjermane ka publikuar fotografi, në sy bie një detaj. Ajo erdhi me këmbë të lënduar në Kosovë, raporton Klankosova.tv.“Kosova dhe Gjermania punojnë së bashku për një Evropë të gjelbër dhe të begatë. Nisim edhe partneritetin e tranzicionit të klimës dhe energjisë me ministrat Rizvanolli dhe Aliu”, ka shkruar ajo në “X”.
