Kryetari i Aleancës për Ardhmërinë e Kosovës, Ramush Haradinaj, ka reaguar pas lajmit për vdekjen e Tina Kaidanow-it, ambasadores së parë të SHBA-së në Kosovë. Ai tha se Kaidanow, ishte një mike e madhe e Kosovës dhe një diplomate e jashtëzakonshme.
Haradinaj, shprehet se shërbimi i Tina Kaidanow si ambasadorja e parë e SHBA-së në Kosovën e pavarur dhe kontributi i saj për vendin tonë do të mbeten përjetësisht në kujtesën tonë.
“Ajo luajti rol të fuqishëm në procesin e pavarësimit të Kosovës, si Shefe e misionit të zyrës amerikane. Shërbimi i saj si Ambasadorja e parë e ShBA-së në Kosovën e pavarur dhe kontributi i saj për vendin tonë do të mbeten përjetësisht në kujtesën tonë”, tha Haradinaj.
Për më tepër Haradinaj thekson se “Tina ishte grua e fortë, vizionare dhe mbështetëse e paepur e lirisë dhe demokracisë së Kosovës”.
“Ngushëllimet tona më të sinqerta shkojnë për familjen, miqtë dhe kolegët e Ambasadores Kaidanow”, ka shkruar Haradinaj në Facebook.
