“Stop diskriminimit të punëtorëve të Ferronikelit”, “Nuk duam të jemi në rrugë por në fabrikë”, “Duam trajtim njerëzor të punëtorit”, “Qeveri reflekto’, pankartat me mbishkrimet që po mbajnë në duar punëtorët e “Ferronikel”-it të cilët po protestojnë para Qeverisë së Kosovës.
Gjatë protestës ata kanë brohoritur “Edhe fëmijët tanë duan bukë”.
Punëtorët e “Ferronikel”-it po protestojnë për herë të dytë për të kërkuar kthimin e tyre në vendet e punës, pasi që ata mbetën pa punë prej 8 tetorit kur edhe u ndal prodhimi në këtë fabrikë.
Kujtojmë se puna në “Ferronikel” u ndal për shkak të krizës energjetike.