Presidentja e Kosovës Vjosa Osmani dhe ambasadorët e akredituar, kanë bërë homazhe te varri i Presidentit Ibrahim Rugova, në përvjetorin e vdekjes së tij.
Në 19 vjetorin e vdekjes së ish-presidentit Ibrahim Rugova, presidentja e Republikës së Kosovës Vjosa Osmani dhe ambasadorët e akredituar, bënë homazhe tek varri i tij.
Presidentja Osmani e çmoi lartë kontributin e ish-presidentit Rugova. Ajo tha se Rugova ka luajtur rol të rëndësishëm në shtetndërtim dhe se kontributi i tij do të jetë udhërrëfyes edhe në të ardhmen.
“Në atë kohë presidenti Rugova jo vetëm që bëri bash të gjithë qytetar e Kosovë për liri, pavarësi dhe demokraci por njëkohësisht u bë edhe zëri i Kosovës në botë duke ndërtuar aleanca të fuqishme të cilat na u deshtën më së shumit pikërisht në ato kohë të vështira e të cilat rezultuan me intervenimin e NATO-s i cili edhe e ndihmoj çlirimin e Kosovës e pastaj mbështetja e këtyre shteteve mike ndihmoj edhe vetë pavarësimin e vendit tone. Ai ishte një politikan i jashtëzakonshëm që i solli politikes dimensionin human të saj, dimension që fatkeqësisht i mungonte për një kohë të gjatë, prandaj edhe mbetet jo vetëm shembull i vizionit dhe politik bërjes në Kosovë, por edhe kudo që shkojmë në botë”, ka theksuar Osmani.
Osmani me këtë rast falënderoi përfaqësuesit e shteteve tjera që bënë homazhe sot. Nën organizimin e presidencës, gjatë ditës do të mbahen edhe aktivitete tjera në përvjetorin e vdekjes së ish-presidentit Rugova.rtk.
