Një sulm me raketa ruse në një objekt banimi në qytetin Dnipro të Ukrainës ka lënë të vdekur 12 persona, përfshirë një fëmijë, sipas raportit të kreut të rajonit Dnipropetrovsk, Valentin Reznichenko.
Siç bëhet e ditur, 37 persona u shpëtuan nga rrënojat, duke përfshirë 6 fëmijë. 64 persona pësuan lëndime, mes tyre 14 fëmijë.
Pamje të rënda të publikuara nga Nexta në Twitter, tregojnë një video ku dëgjohet një grua duke bërtitur brenda rrënojave të ndërtesës, dhe në një video tjetër shihet trupi i një burri.
