World Hijab Day Kosovo këto ditë ka relizuar një eksperiment social në Kampusin Universitar të Prishtinës për të parë se sa njihet Dita Botërore e Mbulesës tek studentët dhe studentet e UP-së, përcjell Kosova Post.
Studentet të cilat kanë pranuar të jenë pjesë e këtij eksperimenti nuk janë vajza të të mbuluara por vetëm kanë pranuar ta vendosin shaminë për disa momente, në mënyrë që të shprehin mbështetjen e tyre mbi të drejtën e Mbulesës.
Eksperiencë e papërshkruar!
“Atëherë, vëndosja e mbulesës për herë të parë ishte diçka shumë e bukur e mrekullueshme, ku fjaleë e vetme që mund të nxirrja ishin “Uau! Sabukur!” Nuk kisha më fjalë, ishe një ndjesi e veçantë që nuk mund të pershkruhet më fjalë.
Atë ditë ishe ftohtë. Mbulesa jo vetëm që solli ngrohtësi në tërë trupin tim por solli edhe në zemër. U ndjejva disi më e lehtësuar dhe më e çliruar shpirtërisht.
Që tani i kuptoj shumë mirë vajzat dhe gratë që janë të mbuluara se çfarë ndjesie kanë, se sa të bukura dhe të ndritshme duken dhe pavarësisht komenteve negative që mund të marrin nga njerëzit, në shkolla, në fakultetet apo ne vendet e punës së tyre, ato vazhdojnë duke ecur përpara duke ju bindur Zotit të tyre, pavarësisht fjalëve thumbuese ne të cilat mund të hasin.
Mbulesa përfaqëson pikërisht imazhin e një vajze myslimane, devotshmërinë dhe ngritjen shpritërore, edhe pse ka shumë tendenca që të shtrembërohet kuptimi i saj.
Ndoshta për shumëkënd tingëllon e thjeshtë, e parëndësishme, e pakuptimtë, por vërtet ishte një përjetim shumë i bukur dhe vërtet kam vështirësi në përshkrimin e kesaj ndjesie.” / S. Krasniqi
