Kryeministri Hristijan Mickoski sot ka pritur në takim kryeministrin e Republikës së Kosovës, Albin Kurti, ku pas takimit, të nëpërmjet një konference për media, kanë folur në lidhje me marrëdhëniet bilaterale të këtyre dy shteteve.
Kryeministri i Kosovës, Albin Kurti, ka thënë se Kosova dhe Maqedonia e Veriut, kanë marrëdhënie të mira bilaterale.
“Ne kemi marrëdhënie të mira bilaterale, derisa në çdo fushë kemi punuar dhe kemi rritje të cilësisë e po ashtu, edhe të ekonomisë e tregëtisë”, ka thënë Kurti.
Mickoski ka thënë se me Kosovën do të forcohen lidhjet ekonomike, bilaterale dhe do të punohet ngushtë për të ndërtuar rrugë të reja, duke marrë si shembull rrugën Shkup-Bllacë dhe Tetovë-Prizren , shkruan Alsat.mk. Mickoski ka thënë “Si qeveri e re e kemi qëllim që të ndërtojmë marrëdhënie të shëndosha të dyanshme. Kemi rënë dakord që të rrisim komunikimin por edhe tregtinë e përbashkët. Kemi biseduar për rrugën Bllacë-Shkup, por edhe për lidhjen e Tetovës me Prizrenin” tha mes tjerash Mickoski.
