Kryetari i AAK-së, Ramush Haradinaj, vazhdon me kritika ndaj qeverisjes aktuale, e këtë radhë ai flet për FSK-në, konkretisht ‘ikjen’ e pjesëtarëve të saj.
Për më tepër Haradinaj thekson se mbi i 11 për qind të ushtarëve janë larguar nga FSK në vitin 2023 dhe 2024.
Ai ka thënë se kjo është alarmante dhe i ka ftuar ata të qëndrojnë sepse premton se do ta ndryshojë gjendjen.
“Mbi 11 për qind e ushtarëve lëshuan FSK-në vetëm në 2023 dhe 2024. Kjo është alarmante. I ftoj të qëndrojnë, sepse ne do ta ndryshojmë gjendjen.”
Tuje theksoi Haradinaj se në vitin 2023 FSK-në e kanë lëshuar 257 pjesëtarë e në vitin 2024 200.
Si arsye tjetër e largimit nga FSK-ja , Haradinaj ka përmendur kushtet e rënda financioare dhe pagat e pamjaftueshme.
“Në vitin 2023, numri i pjesëtarëve që e kanë lëshuar FSK-në është 257! Në vitin 2024, ka kaluar numri prej 200. I fundit nga ta më 19 shtator 2024. Shumica nga ta përmendin kushtet e vështira financiare dhe pagat e pamjaftueshme në arsyetimin pse lëshojnë Ushtrinë.
Haradinaj, shprehet i shqetësuar “me trajtimin katastrofal” që Qeveria po i bën ushtrisë sonë.
“Edhe pas 4 viteve të kësaj qeverie, numri i pjesëtarëve të uniformuar është nën 4.000, ndërsa forca rezervë e FSK-së është harruar pothuajse plotësisht. Jam i shqetësuar seriozisht me këtë trajtim katastrofal që Qeveria po i bën Ushtrisë sonë, të cilën me shumë mund kemi arritur ta mandatojmë më 2018. Ftoj rininë t’i bashkohen FSK-së dhe ftoj pjesëtarët të qëndrojnë aty.”
Ai ka premtuar se në qeverisjen e re paga më e ulët në FSK do të jetë 1000 euro.
“Ne do ta përmirësojmë me urgjencë gjendjen e tyre financiare dhe kushtet elementare të punës. Qysh në muajt e parë të Qeverisë së re, paga më e ulët në FSK do të jetë 1000 euro.”
