Kandidati nga radhët e Lidhjes Demokratike të Kosovës (LDK), Përparim Rama, po i shfrytëzon në maksimum ditët e fundit të fushatës, ndërsa po takon qytetarë të lagjeve të ndryshme, transmeton Kosova post.
Ai bashkë me ekipin e tij, ka vizituar edhe lagjen Tophane, ndërsa është fotografuar me qytetarë të shumtë.
“Aty u takuam me qytetarë dhe biznese të kësaj zone ku diskutuam dhe bëmë një shëtitje me ta. Biseduam për programin tonë dhe për kërkesat e banorëve të kësaj pjese. Si pothuajse çdo zonë tjetër e Prishtinës, edhe kjo zonë ka probleme esenciale. Shumë rrugë kanë mbetur të papërfunduara ose nuk janë filluar fare. Krahas problemit të rrugëve, probleme tjera të kësaj zone janë ndriçimi dhe qentë endacakë” – ka shkruar ai ndër të tjera.
Ndërsa shkrimin e ka shoqëruar me një numër fotografishë të çastit me qytetarë, ku ndër të cilët spikatet edhe një figurë e njohur për opinionin. Bëhet fjalë për moderatorin dhe gazetarin e njohur Mustafë Muçaj.
Këtë të fundit, duket që e ka hasur gjatë shëtitjes nëpër lagje. Muçaj, përndryshe është babai i Anita e Lola Haradinajt, bashkëshorte të vëllezërve Haradinaj (Ramush e Daut Haradinajt)./KosovaPost/