Kryeministri i Republikës së Kosovës, Albin Kurti në ditën ndërkombëtare për eliminimin e dhunës seksuale, kujton se gjatë kohë Serbia dhunën seksuale e ka përdorur në Kosovë si mjet lufte, përcjell Kosova Post.
Ndërsa kujton këto vite represioni, Kurti inkurajon viktimat e dhunës seksuale gjatë luftës së fundit, që të thyejnë heshtjen.
Kryeministri Kurti, theksoi se përdorimi i dhunës seksual si armë lufte nga ana e Serbisë, nuk është krim vetëm ndaj individit, por ndaj gjithë shoqërisë me pasoja të thella dhe të gjëra.
“Në Ditën ndërkombëtare për eliminimin e dhunës seksuale në konflikt, bëjmë thirrje për solidaritet nga familjet dhe shoqëria. Është detyrim yni i përbashkët t’i përkrahim të mbijetuarat. Të jemi zë i fuqishëm e krah i fortë. Sot dhe përherë. Në kujtim të viktimave që kanë humbur jetën, përkulemi me respekt. Nderojmë të mbijetuarat për forcën e qëndresën e tyre. Angazhohemi për mbështetje institucionale dhe për drejtësi”, tha kryeministri Kurti .
Për më tepër shprehet kryeministri se ” Në kujtim të viktimave që kanë humbur jetën, përkulemi me respekt. Nderojmë të mbijetuarat për forcën e qëndresën e tyre. Angazhohemi për mbështetje institucionale dhe për drejtësi”
Shefi i ekzekutivit bën të ditur gjithashtu se përmes ndryshimit të ligjit është zgjatur afati për aplikim për njohjen e statusit, viktimë e dhunës seksuale, deri më 15 maj 2025.
“Përmes ndryshimit të ligjit e kemi zgjatur afatin për aplikim për njohjen e statusit, viktimë e dhunës seksuale të luftës, deri më 15 maj 2025. Duke ua njohur vuajtjet grave dhe vajzave, burrave dhe djemve të mbijetuar, ne i inkurajojnë që të thyejnë heshtjen për këtë krim lufte”, tha Kurti.
