Drejtori i të ashtuquajturës “Zyra për Kosovën” në Qeverinë e Serbisë, Petar Petkoviq, duke komentuar vendimin e kryeministrit të Republiksë së Kosovës, Albin Kurti, për ndalimin e referendumit të 16 janarit( sic) të paralajmëruar nga Serbia, tha se më këtë vendimi i pari i Qeveriës së Kosovës po tenton të thellojë krizën, transmeton Kosova Post.
“E drejta e votës është një e drejtë themelore njerëzore dhe qytetare, të cilën Kurti dëshiron ta heqë për serbët në Kosovë dhe vendimi për themelimin e misionit të OSBE-së e thekson qartë këtë të drejtë, është pjesë e mandatit të tyre”, ka thënë Petkoviq, raporton Tanjug.
Petkoviq shtoi se për këtë çështje i janë drejtuar edhe Brukselit dhe vendeve të Kuintit.
“Prandaj iu drejtuam edhe Brukselit edhe vendeve të Kuintit, të cilat janë duke e shqyrtuar seriozisht këtë çështje dhe pres një përgjigje pozitive, sepse arbitrariteti i Albin Kurtit është shkelje e drejtpërdrejtë e të drejtave themelore të njeriut”, tha Petkoviq.
