Propozimi erdhi nga Ministrja Albulena Haxhiu, ndërsa ai u votua pa asnjë kundërshtim nga anëtarët e kabinetit qeverisës, transmeton Kosova Post.
Në mbledhjen e sotme të Qeverisë së Republikës së Kosovës, kjo e fundit ka miratuar Koncept-dokumentin për themelimin e mekanizmit për dokumentimin e krimeve të kryera gjatë luftës në Kosovë.
Sipas Kryeministrit Albin Kurti kanë kaluar 22 vite pas luftës “dhe adresimi i krimeve të kryera gjatë luftës është shumë larg prej asaj që ne duam e na duhet.”
Ai më tej ka shtuar se:
“Nuk mund të zhbëjmë të kaluarën e as ta kthejmë kohën mbrapa për të adresuar krimet që duhej të ishin adresuar kohë më parë, por mund të bëjmë më të mirën në rrethanat në të cilat jemi. Shkeljet e rënda të drejtave të njeriut, krimet e luftës, do të trajtohen nga mekanizimi për dokumentimin e krimeve të kryera.
Ky koncept dokument, do të ndihmojë edhe në forcimin e kujtesës kolektive, përkatësisht ngritjen e vetëdijes, jo vetëm në shoqërinë tonë por edhe shoqërive të rajonit, në mënyrë që historitë e tilla të mos përsëriten më./KosovaPost/