Përgjat afër tri dekadave, midis dy kontinenteve, ShBA – Europë (Prishtinë), vitin që e lam pas, për javë të tëra, i ulur në një karrige, krejt i vetëm, herë pas herë në një bashkëbisedim të shkurtë nga distanca me një amerikan në pension aty pran, poashtu edhe ai i vetëm, pran qetësisë përpara stuhisë pran dallgëve, në agun e mengjesit, bregut të detit të Virxhinias, pranë bazës më të madhe ushtarake të SHBA-s, duke medituar me sy kah qielli pa eklips, me një laps në dorë dhe një fletore A4, fillon të shkruaj pjesën më të madhe të këtij dorshkrimi, për të na ofruar gjithë fuqinë dhe mendimin filozofik, të ndjesitë shpirtërore në formë autoriale, që e kemi tanimë të botuar dhe po e promovojmë sot, paçka me një duartrokitje nga ju në shenjë falenderimi për autorin, më lejoni ta nisi këtë recension libri.
Shumë të nderuara familje të dëshmorëve, Invalid e Veteran të UÇK-së
Personalitete në nderuara pjesmarrës në këtë prmomovim libri;
I nderuri z. Sami Ahmeti, nikoqir dhe pronar i H. Sirius,
Kolegë panelist,
Kryetar i Ballit, z. Selman Berisha,
Pronari i KosovaPost.net z. Fadil Pushkolli,
Bashkëluftëtar nga Ilirida Bashkim Togu Gurgurovci,
Autor dhe veprimtar i respektuar z. Ali Maxhuni
Miq të ardhur nga Belgjika, z. Adnan Rexhepi, z. Sadik Sylanaj: sir Para Parafi (Rudy Fivet-Welcome) Pjesmarrës nga nga Amerika e gjithandej trojeve etnike,
Dashamirës të librit
Audiencë e nderuar
Zonja dhe zotërinjë,
Kam kënaqsinë, që sot përpara jush t’ju paraqitem me disa fjalë në cilësi të recensentit të librit “Kah po shkon njerëzimi? Kush jemi dhe pse jemi?” të autorit Ali Maxhuni, i cili si pikënisje përbën një udhëtim empirik në kohë filozofike, trajtim realist të aspektit historik dhe estetik si dhe personal mbi pyetjet ekzistenciale të njerëzimit.
Duke u bazuar në përvojat personale, ngjarjet historike dhe sfidat bashkëkohore, autori eksploron mendimet me thellësi në (10) dhjetë tema kryesore, të cilat prekin secilin prej nesh në aspektet filozofike, pragmatike dhe jetës shoqërore. Ky recension analizon librin duke ndërthurur vështrimin shkencor dhe kritik mbi përmbajtjen dhe stilin e tij unik si formë shkrimi, përmbajtje kjo tipike për nga struktura dhe organizimi sintetik i mendimit dhe përgjithësisht vrojtimit filozofik.
Një nga temat kryesore të librit është titulluar: materia mbi origjinën dhe qëllimin e njerëzimit, rrjedhimisht përpjekja për të kuptuar origjinën dhe qëllimin e ekzistencës sonë njerëzore, autori Maxhuni, me mjaft mjeshtri ndërlidh besimet teologjike me pyetjet filozofike, duke sjellë një qasje të sinqertë dhe shpesh introspektive. Megjithatë, libri provon të zhvillojë një strukturë të qartë argumentuese, lidhur me këto pikëpamje mbi sfidat bashkëkohore që e kanë kapluar sot njerëzimin, përfaktin e mungesës së njohurive që anë e kënd botës, që iu imponohen masave, shpeshherë kufizohen ato për ta shmnagur kuptimin e drejt në këtë korelacion. Këndvështrimi filozofik në trajtim mbetet dimension mirë i organizuar, duke përfituar si një analizë e thelluar dhe sistematike, krahas literaturës bashkëkohore filozofike.
Teksti në vijim, ngre dilma dhe kritikë të qartë ndaj zhvillimeve teknologjike, me titull: Ironia e përparimit teknologjik duke vënë në dukje ironinë pozitive të përparimit: teknologjia, që në thelb duhet të shërbejnë si mjet për përparim, dhe jo për abuzim, ku shpesh rezulton në një forcë shkatërruese. Kjo kritikë është e bazuar dhe aktuale, duke pasqyruar shqetësime globale të lidhura me inteligjencën artificiale dhe ndikimet ekologjike e sistematike të modernizimit. Megjithatë, autori pasqyron edhe përfitimet pozitive të teknologjisë, duke ofruar një qasje të balancuar midis domosdoshmërisë së përdorimit të teknologjisë dhe shpërdorimit e abuzimit të saj.
Të nderuar të pranishëm;
Histori dhe përvojat personale të autorit, sidomos ato që lidhen me emigracionin dhe luftërat, janë ndër pikat më të forta të librit. Ai ndan përvoja autentike që japin një ndjesi empatie dhe reflektimi. Megjithatë, këto tregime shpesh mbizotërojnë mbi narrativën kryesore të librit, duke e bërë të ndërveprueshëm për lexuesin edhe mesazhin kryesor.
Kur flitet për Paqen dhe luftën, autori Maxhuni ndërlidh paqen dhe luftën me konflikte historike, religjioze, etnike dhe intersat gjeostrategjike – bashkëkohore, duke reflektuar mbi shkaqet dhe pasojat e tyre. Ndërsa analiza është e fuqishme në dimensionin real dhe emocional, ajo shpesh karakterizohet në thellësinë shkencore të kontekstualizimit politik, sikurse një lidhje të fortë midis teorisë së konfliktit dhe paqes, autori megjithatë, lë hapsirë vrojtuese për lexuesin në shkrimin e tij.
Vlerësimi i trashëgimisë kulturore dhe kombëtare është një aspekt tjetër i dukshëm i librit, ku autori shpreh krenari për identitetin shqiptar. Megjithatë, qasja e tij thumbon në analizë kritike mbi sfidat që globalizimi duke paraqitë nevojën e ruajtjes së identitetit kombëtar – shqiptar, si dhe rolin e këtyre identiteteve në ndërtimin modern e multikulturor të kombeve.
Të dashur lexues të librit;
Një nga mesazhet më të fuqishme të librit është edhe Kriza morale dhe shpirtërore, rrjedhimisht definimi i krizës morale dhe shpirtërore në botën e sotme moderne. Autori Maxhuni e përshkruan me ndjeshmëri humbjen e vlerave tradicionale dhe rritjen e materializmit, si shthurje të njerëzimit, por ofron zgjidhje praktike dhe modele alternative për të rikthyer balancën shpirtërore dhe morale në trashëgimin e përbashkët që kemi.
Derisa flet për Rolin e natyrës dhe ndryshimet klimatike, përkushtimi i autorit për mjedisin dhe ndryshimet klimatike është i lavdërueshëm dhe sfidues. Ai thekson rolin shkatërrues të njeriut në natyrë me pasoja të rënda të degradimit mjedisor. Megjithatë, libri arrin të futet në detaje të thella filozofike dhe ofron, gjithashtu zgjidhje pragmatike për trajtimin e këtyre sfidave globale.
Libri, poashtu adreson me forcë padrejtësitë sociale dhe ekonomike, që ndodhin gjithandej në botë, duke i lidhur ato me strukturat globale të fuqisë. Megjithëse qasja e autorit është e ndjeshme në këtë pikë, ai shpesh mbështetet në mendime, duke zhvilluar një analizë të thelluar të mekanizmave socio-ekonomikë që krijojnë këto padrejtësi.
Në vijim, brenda tekstit të librit do ta gjeni edhe rëndësinë për rolin e miqësive ndërkombëtare dhe partnetiteve strategjike mes shteteve dhe aleancave, ku autori Maxhuni thekson rëndësinë e aleancave ndërkombëtare, veçanërisht forcimin dhe mbështjetjen e SHBA-së ndaj popullit shqiptar. Kjo pikë qëndron si një shtyllë optimiste në libër, duke i dhënë një analizë edhe segmentit të diplomacisë globale, e cila këtë partneritet strategjik do ta bënte argumentin kryesor të fuqishëm të lidhjes sonë me SHBA-t.
Përmes një retrospektive të fuqishme, si analizë përshkruese, libri thekson se të kaluarës i takon një rol kryesor në formësimin e së ardhmes. Kjo ide është tërësisht bindëse në gjuhën e autorit dhe natyrshëm lexuesi mund të përfiton nga kjo qasje sistematike për të eksploruar se si mund të integrohet historia në vendimmarrjen bashkëkohore, si koncept dhe kulturë të komunikimit midis popujve, brezave dhe religjioneve në arritjen e paqes dhe sigurisë, përgjithësisht.
Krejt në fund,
Si përfunim, me të drejt autori Maxhuni në librin e tij me titull jo të rastësishëm “Kah po shkon njerëzimi? Kush jemi dhe pse jemi?” ka dëshiruar të paraqes një përmbledhje inovative të ndjenjave të thella, midis reflektimeve personale të vrojtimit, meditimit dhe shqetësimeve reale globale. Derisa fuqia shpirtërore e krijimtarisë autoriale, e paraqitur në këtë libër është padyshim mbresëlënëse, ai shpesh futet thellë në strukturën metafizikike dhe analizën sintetike filozofike duke medituar në krejt atë që e rrethon, (siq u tha edhe në parahyrje) derisa shumë herë, krejt i vetëm në atë karrigen sportive pran qetësisë, në agun e mengjesit, përballë detit të Virxhinias, pran Bazës më të madhe ushtarake në SHBA, e kishte medituar dhe shkruar pjesën më të madhe të këtij dorshkrimi.
Gjithësesi, libri me titull: “Kah po shkon njerëzimi? Kush jemi dhe pse jemi?” i auorit Ali Maxhuni, i cili pasyqrohet edhe me fotografi përgjatë tekstit, me një album të veqant, pjesë të tekstit të përkthyera edhe në gjuhën angleze si: (Përmbajtja, hyrja, përfundimet dhe recencioni), ofron një standart plotësues me disa thirrje, mesazhe dhe konstatime, që mëton të mbetet një zë i fuqishëm për reflektim dhe veprim, duke e ofruar një perspektivë krejtësisht unike dhe origjinale, e mishruar si stil shkrimi me gjuhën e shpirtit, tepër i veçantë dhe atraktiv i kohës së sotme moderne, që kuptohet edhe si lexues i zakonshëm.
Derisa shkruajm e flasim, libri na mëson se si idealistët nuk vdesin kurr, përsa kohë idealet e tyre lartësohet drejt objektivit kombëtar, i tillë është edhe mesazhi nga autori Ali Maxhuni, i cili si një veprimtar priatar mbi pesë dekada i çështjes kombëtare, tanimë edhe autor i tri veprave, dy prej të cilave po e promovojmë sot.
Tani, fare në mbyllje të këtij recensioni, më lejoni ta përmbylli me dy thënie autoriale, citoj: “Kur mendohet të botohet një libër, mendohet të shuhet një injorancë. Kur përurohet një botim libri, hapen dyert për ta fikur gjithë injorancën”. dhe citati i dytë; “Ta bësh një luftë a betejë ke bërë një sakrificë, kurse të krijosh një vepër ke bërë gjithë sakrificën”.
Edhe një herë e përgëzojmë autorin dhe ju faleminderit për vëmendjen!
Prof. Dr. Bahri Gashi
Recensenti, 19. Shkurt 2025
