A keni menduar ndonjëherë se sa fiton Presidenti i Shteteve të Bashkuara? Ky post aktualisht mbahet nga Donald Trump dhe paga e tij është mjaftueshëm për ta bërë atë një nga 5% të njerëzve më të pasur në Amerikë.
Por cilat janë shifrat? Paga zyrtare e presidentit, e përditësuar në janar të vit 2025, është 400,000 dollarë në vit (rreth 384,000 euro), e cila paguhet pak nga pak në muaj, përveç një pagese shpenzimesh prej 50,000 dollarësh në vit, një llogarie udhëtimi prej 100,000 dollarësh dhe 19,000 dollarësh për festa zyrtare (për shembull gjatë vizitave nga krerët e tjerë të shteteve). Çdo dollar i papërdorur kthehet në Thesarin e SHBA-së.
Shtuar të gjitha këtyre, sigurisht që është edhe akomodimi në 132 dhomat në 5,109 metra katrorë të Shtëpisë së Bardhë, për të cilat presidenti dhe familja e tij nuk paguajnë qira dhe që përfshin 35 banjo, një kinema, një pishinë, një pistë boulingu dhe një pistë vrapimi.
Rritja e fundit e pagës presidenciale u sanksionua në një amendament të vitit 1999, por ndërsa shuma është rritur, vlera është ulur për shkak të inflacionit. Nga viti 1969 deri në vitin 1999, presidenti fitonte 200,000 dollarë në vit, ekuivalente me 1.7 milionë dollarë sot. Disa presidentë amerikanë kanë hequr dorë nga pagat e tyre, duke u mbështetur në të ardhura të tjera, shkruan A2CNN. Midis tyre Donald Trump në mandatin e tij të parë, dhe para tij John F. Kennedy dhe Herbert Hoover.
