Kryetari i Komunës së Vushtrrisë, Xhafer Tahiri i shqetësuar nga gjendja e vërshimeve në Vushtrri, këto vërshime kanë ardhur është si pasojë e daljes nga shtrati i lumit Sitnica dhe se gjendja e rënduar po vazhdon në qytet, shkruan Kosova Post.
Përmes një shkrimi në Facebook, Tahiri ka bërë të ditur se tashmë janë evakuuar banorët, ndërsa ka thënë se për dalje nga kjo situatë do të kërkojë nga qeveria kompensim të dënimit të banorëve.
“Vushtrria sot është zgjuar me vërshime nga lumi Silnica dhe gjendje të rënduar të ekonomive familjare dhe banorëve në pjesën e qytetit, afër lumit Silnica. Ekipet emergjente, mjekësore dhe FSK kanë evakuuar banorët. Po bëjmë përpjekje maksimale për të ju dalur në ndihmë, gjendja është e rënduar edhe tani. Do të kërkojmë nga Qeveria kompensim të dëmit banorëve”, ka shkruar ai në një postim në Facebook.
Gjithashtu, Tahiri ka thënë se tashmë shkolla fillore “Naim Frashëri” në qytet është duke u bërë gati për strehim për qytetarët që kanë nevojë.
Postimi i plotë:
Vushtrria sot është zgjuar me vërshime nga lumi Silnica dhe gjendje të rënduar të ekonomive familjare dhe banorëve në pjesën e qytetit, afër lumit Silnica!
Ekipet emergjente, mjekësore dhe FSK kanë evakuar banorët. Po bëjmë përpjekje maksimale për të ju dalur në ndihmë, gjendja është e rënduar edhe tani.
Do të kërkojmë nga Qeveria kompensim të dëmit banorëve.
Shkolla fillore Naim Frashëri në qytet është duke u bërë gati për strehim për qytetarët që kanë nevojë.
Zoti na ndihmoftë
