Sipas të dhënave nga Instituti Kombëtar i Shëndetësisë Publike të Kosovës, Ministria e Shëndetësisë , njofton se numri total i rasteve aktive me koronavirus është 32 mijë e 906.
Numri i përgjithshëm i të shëruarve është 172.044, ndërkaq nga fillimi i pandemisë nga coronavirusi kanë vdekur 3,021 persona.
Në 24 orët e fundit janë dhënë 4.022 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.781.110 doza të vaksinës.
Deri më sot 805.802 qytetarë janë vaksinuar me dozën e dytë.
Deri më sot janë dhënë 81.020 doza përforcuese dhe doza të treta të vaksinës kundër COVID-19.