Zëdhënësi i BE-së, Peter Stano, në një konferencë të mbajtur sot në Bruksel ka folur për masat ndaj Kosovës që vazhdojnë të jenë në fuqi. Stano ka thënë se shtetet anëtare ende s’kanë vendosur të veprojnë apo procedojnë bazuar në raportin e dorëzuar kohë më parë nga Përfaqësuesi i Lartë, Josep Borell.
Ai ka thënë se masat vazhdojnë të jenë në fuqi dhe ka rikujtuar se ato ishin vendosur pas disa veprimeve radhazi të njëanshme nga Qeveria e Kosovës. Stano ka thënë se në kohën kur masat ishin vendosur, BE e ka bërë të qartë që ato janë progresive, që mund të zvogëlohen, por edhe mund të zgjerohen, varësisht nga zhvillimet.
Stano duke u ndërlidhur me pyetjen e gazetares se çfarë BE-ja do të bëjë pas zhvillimeve të fundit në Kosovë që lidhen me Urën e Ibrit dhe mbylljen e piakve të postës serbe, ka thënë se masat janë në fuqi dhe ato mund të rriten gjithashtu, nëse partnerët në BE pajtohen për një gjë të tillë.
“Masat janë ende në fuq sepse shtetet ende s’kanë vendosur si të veprojnë bazuar në raportin e Josep Borell që është dorëzuar disa muaj më parë”, ka thënë Stano, raporton Express.
“Nëse e kujtoni masat, ato ishin vendosur ndaj Kosovës sepse ka pasur shumë hapa që kanë çuar në eskalim. Në vend të de-eskalimit, janë marrë shumë e shumë veprime të një anshme janë marrë nga këta njerëz. Masat janë ende aty, dhe ato janë progresive, mund të zvogëlohen, mund të rriten, varësisht na zhvillimi i sitautës. Kjo lidhet me pyetjen se çfarë ne do të bëjmë. Këto masa janë në fuqi, dhe mund të rriten gjithashtu, nëse të gjithë partnerët e BE-së pajtohen që ka nevojë të rriten”, ka thënë Peter Stano, shkruan Gazeta Express. Stano ka thënë se BE e ka bërë të qartë për Kosovën që të mos vazhdojë me hapat e pakoordinuar dhe të një anshëm dhe ka potencuar se BE-ja shpreson se Kosova do të dëgjojë thirrjen e partnerëve dhe me këtë do të ndalojë partnerët për të konsidoeruar marrjen e masave të tjera nëse situata s’ndryshon.
